جہلم میں ٹرین کے نیچے آکر ایک شخص جاں بحق ہو گیا، لاش کو ہسپتال منتقل کر دیا گیا۔
تفصیلات کے مطابق جہلم میں ٹھٹھی گجراں کے قریب ایک افسوسناک حادثے میں ٹرین کی زد میں آکر تقریباً 65 سالہ نامعلوم شخص جاں بحق ہو گیا۔
ریسکیو 1122 کے مطابق حادثے کی اطلاع ملتے ہی ریسکیو اہلکار موقع پر پہنچے اور جاں بحق شخص کی لاش کو ضروری کارروائی کے بعد ڈی ایچ کیو ہسپتال جہلم منتقل کر دیا گیا۔
ریسکیو ذرائع نے بتایا کہ جاں بحق ہونے والے شخص کی فوری طور پر شناخت نہیں ہو سکی۔ متوفی کی عمر تقریباً 65 سال بتائی جاتی ہے۔
پولیس نے واقعے کی تحقیقات شروع کر دی ہیں اور جاں بحق ہونے والے شخص کی شناخت کے لیے عوام سے تعاون کی اپیل کی ہے۔
