دینہ: میزان بینک جی ٹی روڈ دینہ میں ‘کسٹمر اپریسیشن ڈے’ کی تقریب منعقد کی گئی، جس میں بینک انتظامیہ اور کاروباری شخصیات نے شرکت کی۔ اس موقع پر ایریا منیجر توقیر احمد، برانچ منیجر امتنان الحق اور معروف کاروباری شخصیت امجد محمود سیٹھی (اونر ڈی مارٹ) نے مل کر کیک کاٹا۔
تفصیلات کے مطابق دینہ میں میزان بینک کی جانب سے 10 فروری کو اپنے معزز صارفین کے اعزاز میں خصوصی تقریب کا انعقاد کیا گیا، جو صبح 9 بجے سے شام 5 بجے تک جاری رہی۔ اس تقریب میں بڑی تعداد میں صارفین نے شرکت کی اور میزان بینک کے اس اقدام کو سراہا۔
تقریب سے خطاب کرتے ہوئے ایریا منیجر توقیر احمد اور برانچ منیجر امتنان الحق نے کہا کہ کسٹمر اپریسی ایشن ڈے کا مقصد صارفین کی خدمات کا اعتراف اور ان کے اعتماد کو مزید مضبوط بنانا ہے۔ یہ ہمارے لیے باعث فخر ہے کہ ہمارے صارفین نہ صرف خود بلکہ اپنے دوستوں اور رشتہ داروں کو بھی ہمارے بینک سے متعارف کروا رہے ہیں۔
تقریب میں چوہدری شہزاد کنڈ سمیت دیگر معزز شخصیات نے بھی شرکت کی اور میزان بینک کے اس اقدام کو مثبت قرار دیا۔ شرکاء نے میزان بینک کے معیاری بینکنگ سروسز کو سراہا اور امید ظاہر کی کہ مستقبل میں بھی بینک صارفین کے ساتھ اسی طرح قریبی تعلقات کو فروغ دیتا رہے گا۔
