موٹر وے ایم ٹو سالٹ رینج کے مقام پر ٹنل بنانے کا منصوبہ بنا لیا گیا۔
جنرل منیجر این ایچ اے حافظ طاہر نے کہا ہے کہ سالٹ رینج کے مقام پر ٹنل بنائی جائے گی، ان کا کہنا تھا کہ فزیبلٹی اسٹڈی کے لئے چار فرمز نے حصہ لیا ہے۔
جی ایم این ایچ اے کے مطابق کنسلٹنٹ کی خدمات حاصل کرنے کے لیے معاملہ تکنیکی تشخیص کے مراحل میں ہے، نیلامی کے عمل میں سب سے کم آفر دینے والی فرم فزیبلٹی اسٹڈی کو ڈیزائن کے ساتھ پیش کرے گی۔
واضح رہے کہ سالٹ رینج کے مقام پر حادثات کے معاملے کو میڈیا نے اٹھایا تھا، میڈیا پر خبریں چلنے کے بعد معاملہ وزیراعظم کی اسٹیئرنگ کمیٹی تک پہنچا، اسٹیئرنگ کمیٹی کی میٹنگ میں ٹنل بنانے کی سفارش کی گئی تھی۔
