سوہاوہ پولیس نے بڑی کارروائی کرتے ہوئے اقدام قتل کے مقدمہ میں مطلوب اشتہاری مجرم کو گرفتار کر لیا۔
تفصیلات کے مطابق ڈسٹرکٹ پولیس آفیسر جہلم طارق عزیز سندھو کی خصوصی ہدایت پر ایس ایچ او تھانہ سوہاوہ محمد عمران اور ان کی ٹیم نے جدید سائنٹفک طریقہ کار استعمال کرتے ہوئے ملزم کو ٹریس کر کے گرفتار کیا۔
پولیس کے مطابق مذکورہ مجرم اقدام قتل کے ایک اہم مقدمے میں 2023 سے تھانہ سوہاوہ کو مطلوب تھا اور گرفتاری سے بچنے کے لیے طویل عرصہ روپوش رہا۔ تاہم تھانہ سوہاوہ پولیس نے مستعدی اور تکنیکی ذرائع کا استعمال کرتے ہوئے مجرم کی گرفتاری ممکن بنا لی۔
ڈی پی او جہلم طارق عزیز سندھو نے اس موقع پر کہا کہ اشتہاری مجرمان کے خلاف بھرپور کریک ڈاؤن جاری ہے اور کسی کو بھی قانون کی گرفت سے بچنے نہیں دیا جائے گا۔ ان کا مزید کہنا تھا کہ عوام کے جان و مال کے تحفظ کے لیے پولیس ہر ممکن اقدامات کر رہی ہے اور ایسے عناصر کو کیفر کردار تک پہنچایا جائے گا۔
