منگلا: کور کمانڈر منگلا قبل از وقت ریٹائر ہوگئے، وفاقی کابینہ نے ریٹائرمنٹ کی درخواست منظور کر لی۔
نجی ٹی وی چینل اے بی این نیوز کے مطابق کور کمانڈر منگلا لیفٹیننٹ جنرل ایمن بلال صفدر نے قبل از وقت ریٹائرمنٹ لے لی، وفاقی کابینہ نے قبل از وقت ریٹائرمنٹ کی درخواست منظور کرلی۔
کورکمانڈر منگلا نے وزارت دفاع کے ذریعے وفاقی حکومت کو درخواست بھیجی تھی جس میں کہا گیا تھا کہ وہ ذاتی وجوہات کی بنا پر مزید خدمات سرانجام نہیں دے سکتے جس کے بعد ان کی ریٹائرمنٹ کی درخواست منظور کر لی گئی۔
یاد رہے کہ کور کمانڈر منگلا لیفٹیننٹ جنرل ایمن بلال صفدر کو اکتوبر 2022 میں میجر جنرل کے عہدے سے لیفٹیننٹ جنرل کے عہدے پر ترقی دی گئی تھی۔ اس سے قبل وہ آئی جی ایف سی (ساؤتھ) بلوچستان، نیشنل ڈیفنس یونیورسٹی اسلام آباد میں چیف انسٹرکٹر اے ڈیوی اور جی او سی 8 انفنٹری ڈویژن سیالکوٹ کے طور پر خدمات انجام دے چکے ہیں۔
