پنڈدادنخان غلہ منڈی میں لگایا گیا فلٹریشن پلانٹ پچھلے ڈیڑھ ماہ سے بند، عوام صاف پانی سے محروم ہو گئے۔
تفصیلات کے مطابق پنڈدادنخان کی غلہ منڈی میں لگایا گیا فلٹریشن پلانٹ جوکہ سماجی حلقوں کی طرف سے لگایا گیا تھا جس سے پنڈدادنخان کی عوام کافی حد تک مستفید ہو رہی تھی۔
فلٹریشن پلانٹ گزشتہ ڈیڑھ ماہ سے مکمل بند ہے جس کی وجہ سے سینکڑوں افراد روزانہ فلٹریشن پلانٹ کا تالا دیکھ کر گھروں کو لوٹ جاتے ہیں۔
اس سلسلہ میں جب سماجی حلقوں سے رابطہ کیا گیا تو انہوں نے بتایا کہ اب اس فلٹریشن پلانٹ کی ذمہ داری میونسپل کمیٹی پنڈدادنخان کی ہے۔
عوامی وسماجی حلقوں نے انتظامیہ اور مخیر حضرات سے مطالبہ کیا ہے کہ فلٹریشن پلانٹ کے مسائل کو حل کر کے اس کو فوری چلایا جائے تاکہ پنڈدادنخان کی عوام صاف پانی سےمستفید ہو کر بیماریوں سے بچ سکیں۔
