ابوظہبی: متحدہ عرب امارات (یو اے ای) کی وزارت برائے انسانی وسائل اور ایمریٹائزیشن ان لوگوں کو لیبر کارڈ جاری کرتی ہے جو ملک میں کسی بھی کمپنی میں ملازم ہیں۔
ملازمت کرنے والے افراد کیلیے ضروری ہے کہ وہ اپنے ساتھ لیبر کارڈ لازمی رکھیں کیونکہ حکام کسی بھی وقت شناخت کی تصدیق کیلیے اس کا مطالبہ کر سکتے ہیں۔
یو اے ای میں لیبر کارڈ کو ملازمت کے ثبوت اور شناخت کے طور پر بھی لیا جاتا ہے۔
کارڈ میں ملازم کی ملازمت کی تفصیلات درج ہوتی ہیں جس میں ملازمت کی نوعیت، کمپنی کا نام اور ورک پرمٹ کی میعاد ختم ہونے کی تاریخ۔ آپ ایمپلائمنٹ کارڈ کے بغیر ملک میں کام نہیں کر سکتے۔
وزارت نے آن لائن سروس شروع کی ہے جس کے ذرئعے موبائل فون پر لیبر کارڈ کی سافٹ کاپی ڈاؤن لوڈ کی جا سکتی ہے۔
وزارت برائے انسانی وسائل اور ایمریٹائزیشن کی ویب سائٹ (https://www.mohre.gov.ae) پر جا کر Services پر کلک کریں اور پھر New Enquiry Services کا انتخاب کریں جس کے بعد آپ اس صفحے https://inquiry.mohre.gov.ae پر آ جائیں گے۔
نئے صفحے پر Choose a Service کا انتخاب کریں اور Print Electronic Work Permit پر کلک کریں۔ اس پر مطلوبہ تفصیلات جیسے ورک پرمٹ نمبر، ٹرانزیکشن نمبر، پرسن کوڈ اور تاریخ پیدائش درج کریں۔
تفصیلات شامل کرنے کے بعد Search Button پر کلک کریں آپ کا ای لیبر کارڈ ڈاؤن لوڈ ہو جائے گا۔
