جہلم: محکمہ تعلیم نے موسم گرما کی سرکاری تعطیلات کے دوران نجی تعلیمی اداروں میں تدریسی سرگرمیوں پر مکمل پابندی کی ہدایت کر دی۔ چھٹیوں کے دوران سکولز کھولنے پر بھی تعلیمی اداروں کے سربراہان کے خلاف سخت ترین کارروائیاں کی جائیں گی۔
ذرائع کے مطابق اس حوالے سے محکمہ تعلیم پنجاب نے جہلم سمیت پنجا ب بھر کے تمام ڈسٹرکٹ ایجوکیشن اتھارٹیز کے چیف ایگزیکٹو افسران کو پابند کر دیا ہے کہ 28 مئی بروز منگل سے کسی بھی پرائیویٹ سکول کو تدریسی سرگرمیاں جاری رکھنے کی اجازت ہر گز نہیں ہوگی۔
چھٹیوں کے دوران سکولز کھولنے پر نجی سکولز مالکان کو حکمانہ کاروائی کی وارننگ دے دی گئی ہے، محکمہ تعلیم کے افسران چھٹیوں کے دوران خود دورے کریں گے اورسکولوں کی طرف سے خلاف ورزی پر انکے خلاف قانونی کاروائیاں کی جائے گی۔
اس حوالے سے والدین کو بھی ہدایت کی گئی ہے کہ پرائیویٹ سکولز کھلنے پر والدین ایڈیشنل سیکرٹری (ڈی ای اے)I)-(ME-199206561 042 اور سیکشن آفیسر99019000 نمبر پر شکایت درج کروا سکتے ہیں۔
واضح رہے کہ ضلع جہلم سمیت پنجاب بھر میں تمام سرکاری اور غیر سرکاری سکول ہیٹ ویو کے پیش نظر 25 مئی سے 31 مئی تک بند رکھنے کا اعلان کیاگیاتھا۔ تعطیلات کا نوٹیفیکیشن جاری کر دیا گیا تھا۔
نوٹیفیکیشن کے مطابق تمام سرکاری اور غیر سرکاری سکول ہیٹ ویو کے پیش نظر 25 مئی سے 31 مئی تک بند کرنے کاکہا گیاتھا۔ تاہم جن سکولوں میں امتحانات منعقد کئے جا رہے تھے انہیں تمام احتیاطی تدابیر اپناتے ہوئے امتحانات کیلئے اجازت دی گئی تھی۔
اس سے قبل پنجاب بھر کے تعلیمی اداروں میں یکم جون سے موسم گرما کی تعطیلات کا اعلان کیا تھا۔ محکمہ سکولز ایجوکیشن سکول نے موسم گرما کی چھٹیوں کا نوٹیفکیشن جاری کیاگیاتھا جس کے مطابق صوبے بھر میں تمام نجی و سرکاری سکولز میں یکم جون سے چھٹیاں کااعلان کیاگیاتھا۔ 14 اگست تک تمام تعلیمی ادارے بند رہیں گے، فیصلے کا اطلاق تمام نجی و سرکاری سکولوں پر ہوگا۔موسم گرما کی تعطیلات کے بعد 15 اگست سے سکولز میں تعلیمی سرگرمیوں کا آغاز کیا جائے گا۔
