دینہ: پولیس نے اہم کارروائی کرتے ہوئے سوشل میڈیا پر اسلحہ کی نمائش کرنے والے ملزم کو گرفتار کر لیا اور اس کے قبضہ سے پسٹل 30 بور معہ ایمونیشن برآمد کر لیا۔
تفصیلات کے مطابق جہلم کی تحصیل دینہ میں ایس ایچ او تھانہ دینہ سرمد ملک اور ان کی ٹیم نے کارروائی کرتے ہوئے سوشل میڈیا پر اسلحہ کی نمائش کرنے والے ملزم کو گرفتار کیا۔ ملزم نے اسلحہ کی نمائش کرتے ہوئے ویڈیو سوشل میڈیا پر اپلوڈ کی تھی، جس کا نوٹس لیتے ہوئے پولیس نے فوری کارروائی کا آغاز کیا۔
پولیس نے جدید ٹیکنالوجی اور انٹیلی جنس ذرائع کو بروئے کار لاتے ہوئے ملزم کی شناخت کی اور کامیاب کارروائی کے دوران اسے گرفتار کر لیا۔ ملزم کے قبضہ سے پسٹل 30 بور اور ایمونیشن بھی برآمد کر لیا گیا۔ پولیس نے ملزم کے خلاف متعلقہ دفعات کے تحت مقدمہ درج کر کے مزید تفتیش شروع کر دی ہے۔
ڈی پی او جہلم شفیق احمد چوہدری کا کہنا ہے کہ سوشل میڈیا پر اسلحہ کی نمائش اور قانون شکنی کسی صورت برداشت نہیں کی جائے گی اور ایسے عناصر کے خلاف بلا امتیاز سخت قانونی کارروائی عمل میں لائی جاتی رہے گی۔
