دینہ: راجہ یاور کمال نے کہا ہے کہ میں دینہ والوں کا بیٹا ہوں، حلقہ پی پی 24میرا گھر ہے، یہاں کے لوگ بڑی محبت والے ہیں۔ انشاء اللہ الیکشن جیت کر دوبارہ ترقی کا سفر شروع کریں گے۔
حلقہ پی پی 24استحکام پاکستان پارٹی کے امیدوار راجہ یاور کمال نے انجمن آڑھتیاں دینہ کے صدر چوہدری محبوب کی طرف سے منعقدہ تقریب سے خطاب کرتے ہوئے کہا کہ میاں نواز شریف اور جہانگیر ترین نے مجھ پر اعتماد کیا اور حلقہ پی پی 24کا ٹکٹ مجھے دیا، عوام 8فروری کو مجھے بھاری اکثریت سے کامیاب کرے، پہلے مرحلے میں ٹی ایچ کیو ہسپتال دینہ میری اولین ترجیح ہے۔
انہوں نے کہا کہ جس محبت کے ساتھ تحصیل دینہ اور تحصیل سوہاوہ کے لوگوں نے مجھے منتخب کیا تھا اسی طرح دوبارہ عقاب پر مہر لگا کر مجھے بھاری اکثریت سے کامیاب کریں۔ میری جیت آپ کی جیت ہو گی، میں ڈومیلی اور دینہ والوں کا بیٹا ہوں۔
راجہ یاور کمال نے کہا کہ میں نے اپنے ساڑھے تین سالہ دور میں صرف عوام کی خدمت کی ہے، میں انہی گلیوں سے گزرا ہوں، مجھے امید ہے کہ حلقہ پی پی 24کے لوگ مجھے مایوس نہیں کریں گے۔ میں چوہدری محبوب صاحب کا شکر گزار ہوں جس محبت سے انہوں نے اتنی بڑی تقریب منعقد کی ہے۔
تقریب سے خطاب کرتے ہوئے چوہدری محبوب صدر انجمن آڑھتیاں نے کہا کہ راجہ یاور کمال نے اپنے ساڑھے تین سالہ دور میں بے شمار ترقیاتی کام کروائے ہیں جن کی وجہ سے لوگ آج بھی انہیں یاد کرتے ہیں اور 8فروری کو عقاب پر مہر لگا کر مجھے کامیاب بنائیں۔
تقریب سے مسعود الحسن بٹ نے بھی خطاب کیا جبکہ ملک کاشف آف یو کے ، ملک صداقت ، شادا جٹ ، میاں ہاور ن ، میاں ندیم امین ، جمیل نظامی ، حاجی راؤ عبدالرشید سمیت دیگر نے خصوصی شرکت کی ۔
