ضلع جہلم کی قومی و صوبائی اسمبلی کے تمام حلقوں کے بیلٹ پیپرز کی ترسیل مکمل

الیکشن کمیشن آف پاکستان نے 8 فروری 2024 کو ہونے والے عام انتخابات کے لیے چھپوائے گئے لگ بھگ 26 کروڑ بیلٹ پیپرز کی ترسیل کا کام مکمل کر لیا ہے۔

ترجمان الیکشن کمیشن نے بتایا ہے کہ الیکشن کمیشن کے ملازمین نے ایک محدود وقت میں اپنی محنت اور منظم منصوبہ بندی کے ذریعے اس اہم ذمہ داری کی تکمیل کی۔

ترجمان کے مطابق بیلٹ پیپرز کی ترسیل کا عمل زمینی اور ہوائی دونوں طریقوں سے مکمل کیا گیا۔ تمام بیلٹ پیپرز سرکاری پریس اداروں سے متعلقہ ڈسٹرکٹ ریٹرننگ آفیسرز اور ان کے نمائندوں کے حوالے کیے گئے۔

ترجمان نے بتایا کہ اس عمل میں موسم کی خرابی کی وجہ سے مشکلات کا سامنا کرنا پڑا تاہم تمام چیلنجز کے باوجود کمیشن نے وقت پر یہ کام مکمل کیا تاکہ تمام ووٹرز ملکی انتخابات میں بہترین اور منظم طور پر شرکت کر سکیں۔

واضح رہے کہ الیکشن کمیشن آف پاکستان نے 8 فروری 2024 کو عام انتخابات کے انعقاد کے لیے تمام تیاریاں مکمل کر لی ہیں، اس سے قبل ترجمان کی جانب سے بھی بتایا گیا تھا کہ الیکشن مینجمنٹ سسٹم (ای ایم ایس) کا تجربہ بھی کامیاب ہو چکا ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button