دینہ: وزیر مملکت برائے خزانہ و ریلوے بلال اظہر کیانی کے کوآرڈینیٹر راجہ علی کی جانب سے ایک پرتکلف افطار ڈنر کا اہتمام کیا گیا جس میں سیاسی، سماجی اور صحافتی شخصیات نے شرکت کی۔
افطار ڈنر میں مسلم لیگ (ن) کے سابق ایم پی اے مہر محمد فیاض، چیف آفیسر میونسپل کمیٹی دینہ محمد فیصل، اے سی ریڈر قاضی مبشر، پریس کلب دینہ کے جوائنٹ سیکرٹری رضوان سیٹھی، سابق کونسلر میاں عتیق، میاں سجاد، محمد خان، انوار الحق اور چوہدری ستار یو کے سمیت دیگر معزز شخصیات نے شرکت کی۔
اس موقع پر راجہ علی نے مہمانوں کا پرتپاک استقبال کیا اور بہترین انداز میں مہمان نوازی کی۔ شرکاء نے افطار ڈنر کے شاندار انعقاد پر میزبان راجہ علی کا شکریہ ادا کرتے ہوئے اسے ایک خوشگوار اور باوقار تقریب قرار دیا۔
