سوہاوہ/ اسلام آباد: سوہاوہ بار ایسوی ایشن کے وفد نے وفاقی وزیر قانون اعظم نذیر تارڑ سے ملاقات کی، ملاقات کے دوران آئینی ترمیم اور باہمی دلچسپی کے امور پر تبادلہ خیالات کیا گیا۔
ملاقات میں ممبر پاکستان بار کونسل حسن رضا پاشا بھی شریک تھے۔ وفد میں صدر سہیل شفیق ، سابق صدور محمد زبیر چوہدری، چوہدری محمد سعید اور ایڈووکیٹ نعمان ہاشمی شامل تھے۔
صدر بار ایسوی ایشن سوہاوہ راجہ سہیل شفیق نے بار کے مسائل کے حوالے وزیر قانون کو آگاہ کیا جس پر وفاقی وزیر قانون نے مسائل کے حل او تعاون کی یقین دہانی کروائی۔
وفاقی وزیر نے سوہاوہ بار ایسوی ایشن کے لئے دس لاکھ کا چیک بھی دیا جس پر صدر بار نے ان کا شکریہ ادا کیا۔
