جہلم پولیس نے قتل کے مقدمہ میں مطلوب اشتہاری مجرم کو فرار ہونے میں مدد فراہم کرنے والے دو ملزمان کو گرفتار کر لیا۔
ترجمان جہلم پولیس کے مطابق قتل کے ایک مقدمہ میں مطلوب اشتہاری مجرم کو قانون کی گرفت سے بچانے اور فرار ہونے میں معاونت فراہم کرنے والے دو افراد کے خلاف کارروائی عمل میں لائی گئی۔
اس سلسلے میں ایس ایچ او تھانہ چوٹالہ اور ان کی ٹیم نے بروقت کارروائی کرتے ہوئے دونوں ملزمان کے خلاف مقدمہ درج کر کے انہیں گرفتار کر لیا۔
پولیس حکام کا کہنا ہے کہ اشتہاری مجرمان کو پناہ دینا، فرار ہونے میں مدد فراہم کرنا یا قانون نافذ کرنے والے اداروں سے چھپانے کی کوشش کرنا بھی جرم ہے، اور ایسے عناصر کے خلاف قانون کے مطابق سخت کارروائی عمل میں لائی جائے گی۔
گرفتار ملزمان کے خلاف مزید قانونی کارروائی جاری ہے جبکہ واقعہ کے مختلف پہلوؤں سے بھی تفتیش کی جا رہی ہے۔
ڈسٹرکٹ پولیس آفیسر (ڈی پی او) جہلم شفیق احمد چوہدری نے کہا ہے کہ جرائم پیشہ عناصر، اشتہاری مجرمان اور ان کے سہولت کاروں کے خلاف آپریشن میں مزید تیزی لائی جائے گی۔
انہوں نے واضح کیا کہ قانون شکن عناصر کے خلاف بلاامتیاز کارروائیاں جاری رہیں گی اور امن و امان کے قیام، شہریوں کے تحفظ اور جرائم کے خاتمے کے لیے تمام وسائل بروئے کار لائے جائیں گے۔
