جہلم میں پنجاب فوڈ اتھارٹی کی بڑی کارروائی، 1400 لیٹر ناقص دودھ اور دو من غیر معیاری کھویا برآمد کر کے تلف کر دیا گیا۔
تفصیلات کے مطابق جہلم میں کالا گجراں کے قریب جی ٹی روڈ پر پنجاب فوڈ اتھارٹی نے ناقص دودھ اور کھویا سپلائی کرنے والی چار گاڑیوں کے خلاف بڑی کارروائی کی۔ فوڈ اتھارٹی نے 1400 لیٹر ناقص پانی ملا دودھ اور 2 من غیر معیاری کھویا برآمد کرکے تلف کر دیا۔
فوڈ اتھارٹی کی ٹیم نے شہر کے داخلی اور خارجی راستوں پر ناکے لگا کر 24 ہزار لیٹر دودھ کا معائنہ کیا، جس کے دوران متعدد گاڑیوں سے ناقص دودھ اور کھویا برآمد ہوا۔ کارروائی کے دوران چار گاڑیوں کے مالکان کو ایک لاکھ روپے جرمانہ بھی عائد کیا گیا۔
ترجمان پنجا ب فوڈ اتھارٹی کا کہنا ہے کہ یہ کارروائی عوام کی صحت کو تحفظ فراہم کرنے کے لیے کی گئی ہے اور ناقص اشیاء کی سپلائی کی روک تھام کے لیے پنجاب فوڈ اتھارٹی کی مہم جاری رہے گی۔
@jhelumupdatespk جہلم میں پنجاب فوڈ اتھارٹی کی بڑی کارروائی، 1400 لیٹر ناقص دودھ اور 2 من غیر معیاری کھویا تلف #Jhelum #foryoupage❤️❤️ #Foryou #JhelumUpdates #Food #Milk #Pakistan #PakistanNews #News #punjabfoodauthority #pageforyou ♬ original sound – Jhelum Updates
