دینہ پولیس نے ایک بڑی کارروائی کرتے ہوئے جسم فروشی کے مکروہ دھندے میں ملوث دو خواتین سمیت پانچ افراد کو گرفتار کر لیا۔
تفصیلات کے مطابق ڈی پی او جہلم طارق عزیز سندھو کی ہدایت پر جہلم کی تحصیل دینہ میں ایس ایچ او تھانہ دینہ نے اپنی ٹیم کے ہمراہ کارروائی کرتے ہوئے ایک خفیہ اطلاع پر چھاپہ مارا جس کے دوران جسم فروشی میں ملوث 2 خواتین اور 3 مردوں کو موقع سے گرفتار کیا گیا۔
پولیس ذرائع کے مطابق گرفتار ملزمان کے خلاف مقدمہ درج کر کے مزید تفتیش کا عمل شروع کر دیا گیا ہے۔
ڈی پی او جہلم طارق عزیز سندھو نے اس کارروائی کو سراہتے ہوئے کہا ہے کہ معاشرے میں اخلاقی بگاڑ اور فحاشی پھیلانے والوں کے ساتھ کسی قسم کی رعایت نہیں برتی جائے گی۔
ان کا کہنا تھا کہ جسم فروشی جیسے گھناؤنے فعل میں ملوث عناصر کے خلاف بلا امتیاز کریک ڈاؤن جاری رہے گا تاکہ معاشرے کو اس ناسور سے پاک کیا جا سکے۔
