سوہاوہ میں گیس لیکج کے باعث آگ بھڑک اٹھی، 2 خواتین سمیت تین افراد جھلس کر زخمی ہو گئے۔
تفصیلات کے مطابق جہلم کی تحصیل سوہاوہ کے علاقے ترکی موڑ محلہ عالم آباد میں ایک گھر کے کچن میں گیس لیکیج کے باعث اچانک آگ بھڑک اٹھی، جس کے نتیجے میں دو خواتین سمیت تین افراد جھلس کر زخمی ہو گئے۔
واقعہ اس وقت پیش آیا جب خواتین کچن میں ناشتہ تیار کر رہی تھیں کہ سلنڈر سے گیس لیک ہونے کے باعث اچانک آگ لگ گئی۔
@jhelumupdates سوہاوہ میں گیس لیکج کے باعث آگ بھڑک اٹھی #JhelumUpdates #LatestNews #fyp #breakingnews #foryoupagе #viralvideos #jhelum #sohawa #latestupdates #newsupdate #tiktoknews ♬ original sound – Jhelum Updates
ریسکیو ذرائع کے مطابق زخمی ہونے والوں میں 33 سالہ کرن زوجہ فیصل، 25 سالہ نجمہ زوجہ اقبال اور 17 سالہ فہد ولد حبیب شامل ہیں۔ آگ سے جھلسنے کے باعث دونوں خواتین کی حالت انتہائی تشویشناک بتائی جا رہی ہے۔
ریسکیو ذرائع کا کہنا ہے کہ مقامی افراد نے بروقت کارروائی کرتے ہوئے ریسکیو ٹیم کی آمد سے قبل آگ پر قابو پا لیا، جبکہ ریسکیو اہلکاروں نے موقع پر پہنچ کر زخمیوں کو ابتدائی طبی امداد فراہم کی اور انہیں فوری طور پر تحصیل ہیڈ کوارٹر ہسپتال سوہاوہ منتقل کر دیا۔
