جہلم: یوم قائداعظم کے موقع پر بابائے قوم کے فرمودات اور قیام پاکستان کے مقاصد سے قوم کو آگاہ کرنے اور نوجوانوں میں جذبہ حب الوطنی بیدار کرنے کے لیے ایک شایان شان تقریب منعقد کی جارہی ہے۔
اس ضمن میں ہسٹاریکل ریسرچ اینڈ ہابی پروموشن سوسائٹی جہلم کے زیر اہتمام ایک تاریخی نوادرات کی نمائش کا انعقاد کیا جائے گا۔ نمائش کا مقصد قوم کو قائداعظم کے وژن سے آگاہ کرنا اور نوجوانوں میں قومی یکجہتی و حب الوطنی کا جذبہ بیدار کرنا ہے۔
یہ نمائش 25 دسمبر بروز بدھ کو الفلاح سنٹر مشین محلہ جہلم میں صبح 9 بجے سے 1 بجے دوپہر تک منعقد کی جائے گی۔ نمائش میں قدیم سکوں، ڈاک ٹکٹوں، دلچسپ کرنسی نوٹوں، تمغوں، نایاب کتب اور تصاویر کی نمائش کی جائے گی۔
نمائش میں شائقین، سکالرز اور طلباء و طالبات کی بڑی تعداد شرکت کرے گی۔ نمائش کے دوران نمایاں کارکردگی کا مظاہرہ کرنے والے شرکاء کو ڈاکٹر عبد الشکور ملک ایوارڈ دیا جائے گا۔
