جہلم میں منشیات فروشی کے مجرم کو عدالت نے 9 سال قید اور جرمانے کی سزا سنادی۔
تفصیلات کے مطابق عدالت نے منشیات کے مقدمہ نمبر 274/23، بجرم CNSA 9(i)3c، تھانہ سول لائنز کے تحت مجرم حاکم علی کے خلاف فیصلہ سناتے ہوئے اسے9 سال قید اور ایک لاکھ روپے جرمانے کی سزا کا حکم دیا۔
حاکم علی کو سال 2023 میں منشیات فروشی کے الزام میں گرفتار کیا گیا تھا۔ جہلم پولیس نے مجرم کو ٹریس کر کے گرفتار کیا اور ٹھوس شواہد کے ساتھ عدالت میں چالان پیش کیا۔ مقدمہ کی موثر پیروی کے نتیجے میں عدالت نے جرم ثابت ہونے پر قرار واقعی سزا سنائی۔
ڈی پی او جہلم طارق عزیز سندھو نے اس موقع پر کہا کہ منشیات فروش معاشرے کا ناسور ہیں اور ان کے خاتمے کے لیے بھرپور آپریشن جاری رہے گا۔ انہوں نے اپنی انویسٹیگیشن اور قانونی ٹیموں کو شاباش دیتے ہوئے تعریفی سرٹیفکیٹ بھی جاری کرنے کا اعلان کیا۔
