جہلم: ڈسٹرکٹ پولیس آفیسر جہلم ناصر محمود باجوہ کی ہدایت پر جہلم پولیس کی طرف سے شب برات کے موقع پر ضلع بھر میں سکیورٹی کے فول پروف انتظامات کئے گئے ہیں۔
اس موقع پر ایلیٹ ٹیمز و موبائل تھانہ جات مسلسل شہر کی اہم سڑکوں اور چوراہوں پر گشت کریں گی۔ تما م مذہبی اجتماعات کی سیکیورٹی کیلئے واک تھرو گیٹ نصب کئے گئے ہیں، مساجد و عبادت گاہوں میں آنے والے تمام اشخاص کی بذریعہ میٹل ڈیٹیکٹر چیکنگ کی جائے گی۔
ڈی پی او جہلم ناصر محمود باجوہ نے کہا کہ آتش بازی، ہلڑ بازی، ہوائی فائرنگ اور دیگر قانون شکن سرگرمیوں کے خلاف قانونی کاروائی عمل میں لائی جائے گی۔ شبِ برات کے موقع پر ضلع بھر میں مساجد، عبادت گاہوں و دیگر شب بیداری کے پروگرامز کی فول پروف سکیورٹی کے انتظامات کو یقینی بنایا جائے گا، شہریوں کی جان و مال کی حفاظت اولین ترجیح ہے۔
