جہلم میں ریلوے لائن عبور کرتے ہوئے ٹرین کی زد میں آ کر نامعلوم شخص جاں بحق ہو گیا۔
تفصیلات کے مطابق جہلم میں سبزی منڈی ریلوے لائن مجاہدہ آباد کے قریب تقریباً 40 سالہ نامعلوم شخص ٹرین کی زد میں آ کر جاں بحق ہو گیا۔
متاثرہ شخص مبینہ طور پر ریلوے ٹریک پر پیدل چل رہا تھا کہ اچانک راولپنڈی سے لاہور جانے والی ٹرین کی زد میں آ گیا، جس کے نتیجے میں وہ موقع پر ہی جاں بحق ہو گیا۔
حادثے کی اطلاع ملتے ہی ریسکیو 1122 کی ٹیم فوری طور پر جائے حادثہ پر پہنچ گئی اور ضروری کارروائی مکمل کرنے کے بعد جاں بحق شخص کی لاش ڈی ایچ کیو ہسپتال جہلم منتقل کر دی۔
