پنڈدادنخان پولیس نے شاندار کارروائی کرتے ہوئے ڈکیتی کے مقدمہ نمبر 123/23 میں ملوث اشتہاری مجرم کو گرفتار کر لیا۔
تفصیلات کے مطابق جہلم کے تھانہ پنڈدادنخان کے ایس ایچ او اور ان کی ٹیم نے مجرم مستقیم کو گرفتار کیا۔ گرفتار کیے گئے مجرم مستقیم گرفتاری سے بچنے کے لیے روپوش ہو گیا تھا تاہم پولیس نے جدید سائنٹیفک طریقہ کار اور ہیومن ریسورس کا استعمال کرتے ہوئے کامیاب کارروائی کی۔
دورانِ تفتیش پولیس نے مجرم کے قبضے سے 2 لاکھ 50 ہزار روپے نقدی، ناجائز اسلحہ پسٹل 30 بور اور ایمونیشن برآمد کر لیا۔
پولیس کا کہنا ہے کہ مجرم کو ٹھوس شواہد کے ساتھ عدالت میں پیش کیا جائے گا اور اسے قرار واقعی سزا دلوائی جائے گی۔
ڈسٹرکٹ پولیس آفیسر جہلم نے ایس ایچ او تھانہ پنڈدادنخان اور ان کی ٹیم کو کامیاب کارروائی پر شاباش دی اور عوام کو یقین دلایا کہ شہریوں کی جان و مال کا تحفظ پولیس کی اولین ترجیح ہے۔
