سوہاوہ: پولیس نے لاؤڈ اسپیکر کے غیر قانونی استعمال کے خلاف کارروائی کرتے ہوئے ایک ملزم کو گرفتار کر لیا۔
تفصیلات کے مطابق جہلم کی تحصیل سوہاوہ میں ایس ایچ او تھانہ سوہاوہ اور ان کی ٹیم نے پنجاب ساؤنڈ ایکٹ 2015 کی خلاف ورزی پر فوری ایکشن لیا۔ ملزم نے لاؤڈ اسپیکر کا غیر قانونی استعمال کر کے نہ صرف قانون کی خلاف ورزی کی بلکہ امن عامہ میں بھی خلل ڈالا، جس پر اس کے خلاف مقدمہ درج کر کے اسے گرفتار کر لیا گیا۔
ڈسٹرکٹ پولیس آفیسر جہلم طارق عزیز سندھو کا کہنا ہے کہ شہریوں کی جان و مال کا تحفظ پولیس کی اولین ترجیح ہے، اور امن و امان میں خلل ڈالنے والے عناصر کے خلاف بلاامتیاز سخت قانونی کارروائیاں جاری رکھی جائیں گی۔
انہوں نے واضح کیا کہ قانون شکنی برداشت نہیں کی جائے گی اور ایسے اقدامات کرنے والوں کے ساتھ آہنی ہاتھوں سے نمٹا جائے گا۔
