جہلم پولیس کا سماج دشمن عناصر کے خلاف کریک ڈاؤن جاری، منشیات فروش اور تیز رفتاری سے ٹرک چلانے والے 2 ملزمان گرفتار کر لئے۔
تفصیلات کے مطابق منگلا کینٹ پولیس نے کارروائی کرتے ہوئے منشیات فروش ملزم ناصر شہزاد کو گرفتار کر لیا، ملزم سے 1 کلو 500 گرام چرس برآمد کر کے مقدمہ درج کر لیا۔
ایک اور مقدمہ میں منگلا کینٹ پولیس نے کارروائی کرتے ہوئے تیز رفتاری سے ٹرک چلانے والے ملزم ناصر محمود کو گرفتار کر لیا جبکہ سٹی پولیس نے کارروائی کرتے ہوئے تیز رفتاری سےٹرک چلانے والے ملزم محمد اسلم کو گرفتار کر لیا۔
سٹی پولیس جہلم اور منگلا پولیس نے دونوں ملزمان کے خلاف الگ الگ مقدمات درج کر لیے۔
ڈی پی او جہلم ناصر محمود باجوہ نے کہا کہ جرائم پیشہ عناصر کے خلاف کریک ڈاؤن جاری رہے گا۔
