جہلم میں ادبی فورم کے زیرِ اہتمام جہلم پریس کلب میں ایک پروقار ماہانہ ادبی نشست کا انعقاد کیا گیا، جس میں ملک کے مختلف شہروں سے آئے ہوئے معروف شعراء کرام اور ادیبوں نے شرکت کی۔
تقریب کی صدارت سید انصر نے کی جبکہ نظامت کے فرائض سیکرٹری نشر و اشاعت رانا اشفاق حیدر نے انجام دیے۔ اس خوبصورت ادبی محفل کا اہتمام ادبی فورم جہلم کے صدر اقبال قمر اور جنرل سیکرٹری امجد میر نے کیا۔
تقریب میں مقامی اور بیرونِ شہر سے آئے نامور شعراء نے اپنا بہترین کلام پیش کیا، جس پر سامعین نے خوب داد و تحسین پیش کی۔
اس موقع پر ثوبیہ سلیم، رخشندہ بتول، اقبال ناظر، احسان شاکر، ظہیر مہروی، حسنین پرویز، قدیر گلفام، شکیل کاصبی، سلیم فگار، سید قمر علی، تنویر ظاہر کیانی، شاہین فصیح ربانی، طعیب صدیقی سمیت دیگر معروف شخصیات بھی موجود تھیں۔
اس ادبی شام نے جہلم کے ادبی و ثقافتی حلقوں میں ایک نئی روح پھونک دی۔ شہریوں اور سامعین نے ادبی فورم جہلم کی علمی و ادبی خدمات کو زبردست خراجِ تحسین پیش کیا اور ایسے پروگراموں کے تسلسل کا مطالبہ کیا۔
