پنڈدادنخان کے نواحی علاقہ میں کار حادثے کا شکار ہو گئی، حادثہ میں 2 افراد زخمی ہو گئے، زخمیوں کو ہسپتال منتقل کر دیا گیا۔
تفصیلات کے مطابق گزشتہ رات پنڈدادنخان کے نواحی گاؤں نائچ کے قریب سٹیرنگ جام ہونے سے کار حادثے کا شکار ہو گئی،حادثہ میں 28 سالہ محمد ثاقب جاوید ولد جاوید اقبال اور 18 سالہ احسن ولد پرویز ساکنائے ڈفر گاؤں زخمی ہو گئے۔
ریسکیو 1122 پنڈ دادنخان کی ٹیم نے بروقت رسپانس کرتے ہوئے زخمی افراد کو ابتدائی طبی امداد فراہم کرنے کے بعد تحصیل ہیڈ کوارٹر ہسپتال پنڈدادنخان منتقل کر دیا۔
