جہلم: ڈسٹرکٹ ہیڈ کوارٹر ہسپتال جہلم میں ادوایات نہ ملنے سے مریض ذلیل وخوار ہونے لگے، ہسپتال میں ڈپٹی کمشنر اور دیگر افسران کے دورے فوٹوسیشن تک محدود ہو کر رہ گئے۔
تفصیلات کے مطابق ڈسٹرکٹ ہیڈ کوارٹر ہسپتال ضلع جہلم کا سب سے بڑا سرکاری ہسپتال ہے جہاں پر آنے والے مریضوں کو معمولی معمولی ادوایات بھی بازار سے خرید نا پڑرہی ہیں اور ہسپتال میں ادوایات دستیاب نہ ہونے سے مریضوں کو شدید پریشانی کا سامنا کرنا پڑ رہا ہے۔ جس کی وجہ سے ہسپتال کی افادیت دن بدن متاثر ہورہی ہے۔
عوامی سماجی اورشہری حلقوں نے محکمہ صحت اور چیف سیکرٹری پنجاب سے مطالبہ کیا ہے کہ ڈسٹرکٹ ہیڈ کوارٹر ہسپتال کی ابتر حالت کو بہتر بنا کر یہاں پر مریضوں کے لئے تمام مطلوبہ ادویات فراہم کرنے کے انتظامات کئے جائیںتاکہ شہری صحت کی سہولتوں سے مستفید ہو سکیں۔
