جہلم: ڈپٹی کمشنر جہلم کیپٹن (ر) سمیع اللہ فاروق کا ڈسٹرکٹ ہیڈکوارٹر ہسپتال کا دورہ، مریضوں سے سہولیات بارے آگاہی حاصل کی۔
تفصیلات کے مطابق ڈپٹی کمشنر جہلم کیپٹن (ر) سمیع اللہ فاروق سول ہسپتال پہنچے جہاں انہوں نے ہسپتال میں داخل مریضوں سے دستیاب طبی سہولیات بارے پوچھا، مریضوں کی عیادت کی، انہوں نے مریضوں اور اہل خانہ سے ادویات ٹیسٹ اور دیگر متعلقہ شعبہ جات بارے بھی گفتگو کی۔
ڈپٹی کمشنر نے ڈاکٹروں کو ہدایت کی کہ مریضوں کے تمام ٹیسٹ ہسپتال کے اندر سے ہی کروائے جائیں کسی ٹیسٹ کے لیے پرائیویٹ لیبارٹری نہ بھیجا جائے، انہوں نے تمام سینئر ڈاکٹرز کو ہدایت کی کہ مریضوں کے ساتھ اپنا رویہ انتہائی حد تک بہترین یقینی بنائیں۔
