دینہ میں جی ٹی روڈ پر ایک کوسٹر وین الٹ گئی جس کے نتیجے میں چار افراد زخمی ہوگئے۔
ریسکیو ذرائع کے مطابق جہلم کی تحصیل دینہ میں بوڑاجنگل جی ٹی روڈ پر ایک کوسٹر بارش سے پھسلن کے باعث الٹ گئی جس کے نتیجہ میں 62 سالہ خالد محمود، 27 سالہ محمد وسیم، 39 سالہ خالد اور 30 سالہ حیدر زخمی ہو گئے۔
ریسکیو ذرائع کے مطابق کوسٹر راولپنڈی سے سیالکوٹ جا رہی تھی۔
اطلاع ملتے ہی ریسکیو 1122 کی ٹیمیں موقع پر پہنچ گئیں۔ تین زخمیوں کو موقع پر طبی امداد فراہم کی گئی جبکہ ایک شدید زخمی شخص کو ڈسٹرکٹ ہیڈ کوارٹر ہسپتال جہلم منتقل کر دیا گیا۔
