جہلم شہر سمیت ضلع کی چاروں تحصیلوں میں پرائیویٹ ڈاکٹرز کی فیس مریضوں کی پہنچ سے کوسوں میل دور ہیں۔
غریب مریض مہنگائی کے دور میں علاج کیلئے اتائیوں کے کلینکس سے رجوع کرنے پر مجبور ہیں، اگر کسی مریض کے پاس فیس کم ہوتو ایسے مریضوں کو ذلیل کر کے دھکے دے کر ہسپتال سے نکال دیتے ہیں۔
بتایا گیا ہے کہ ادویات کی بڑھتی ہوئی قیمتوں، پرائیویٹ ڈاکٹرز کی بھاری فیس، ہسپتال کے اندر بنائے گئے میڈیکل سٹورز، کمروں کے کرایوں کے نام پر لوٹ مار، لیبارٹریوں کے مہنگے ٹیسٹوں کے نام پر لوٹ مار نے مہنگائی کے اس پرفتن دور میں غریب مریضوں کو موت کے منہ میں دھکیلنا شروع کر دیا ہے۔
شہریوں نے وزیراعلی پنجاب سے مطالبہ کیا ہے کہ ادویات کی قیمتوں میں کمی کے ساتھ ڈاکٹرز کی فیس بھی مقرر کی جائے تاکہ شہری مناسب فیس ادا کرکے علاج معالجہ کرواسکیں۔
