جہلم: ماہ رمضان میں ناجائز منافع خوری روکنے کیلئے پرائس کنٹرول مجسٹریٹس کی کارکردگی قابل تحسین ہے، آخری عشرے میں بھی شہریوں کو ریلیف فراہم کرنے کیلئے پرائس مجسٹریٹ بھر پور کام جاری رکھیں۔
یہ بات ایڈیشنل ڈپٹی کمشنر جنرل صباء سحر نے پرائس کنٹرول مجسٹریٹس کے اجلاس سے گفتگو کرتے ہوئے کہی۔
انہوں نے گزشتہ دس دن کے دوران ناجائز منافع خوری اور خود ساختہ مہنگائی کرنے والے مافیا کے خلاف بھاری جرمانے اور مقدمات درج کروانے کی تفصیلات کا جائزہ لیا اور پرائس مجسٹریٹس کو اسی طرح کام جاری رکھنے کی ہدایت کی۔
