جہلم کی باصلاحیت طالبہ ماہ رخ حسیب نے ایس ایل ایس کالج میں ہونے والےآئلز ٹیسٹ میں تاریخ رقم کر دی۔
انہوں نے ریڈنگ ماڈیول میں مکمل 9/9 بینڈز حاصل کیے جبکہ مجموعی طور پر شاندار 8 بینڈز لے کر نیا ریکارڈ قائم کیا۔ یہ کامیابی نہ صرف ان کے خاندان بلکہ جہلم اور گردونواح کے عوام کے لیے بھی فخر کا باعث ہے۔
مزید برآں یہ خوشخبری بھی سامنے آئی ہے کہ اب جہلم کے طلبہ کو IELTS ٹیسٹ دینے کے لیے لاہور یا اسلام آباد جانے کی ضرورت نہیں رہی۔ ان کا ٹیسٹ ان کے اپنے شہر میں ہی منعقد ہوگا کیونکہ ایس ایل ایس کالج جہلم باضابطہ طور پر منظور شدہ آئلز ٹیسٹ سنٹر ہے، جہاں باقاعدہ ٹیسٹ شروع ہو چکے ہیں۔
یاد رہے کہ ایس ایل ایس کالج اسلام آباد اور لاہور کے درمیان واحد نجی لیکن باضابطہ IELTS ٹیسٹ سینٹر ہے اور یہاں سے کلاسز لینے والے طلبہ بہترین نتائج حاصل کر رہے ہیں جن میں زیادہ تر کا اسکور 7 یا اس سے زائد بینڈز ہے۔
اس شاندار کامیابی پر طلبہ نے SLS کالج کے منیجنگ ڈائریکٹر و آئلز سرٹیفائڈ ٹرینر سرفراز ملک کا شکریہ ادا کرتے ہوئے کہا کہ یہ ان کی 25 سالہ مسلسل تعلیمی خدمات اور محنت کا نتیجہ ہے۔ یہی وجہ ہے کہ ایس ایل ایس کالج کو ہر سال شاندار نتائج اور سب سے زیادہ کامیاب طلبہ پر آئلز ایوارڈ سے نوازا جاتا ہے۔
