جہلم: پنجاب یونیورسٹی میں دفتر صوبائی محتسب پنجاب کی جانب سے آگاہی مہم کا آغاز کر دیا گیا۔
صوبائی محتسب کے میڈیا ایڈوائزر عبدالباسط خان نے کالج کے طلباء و طالبات سے خطاب کرتے ہوئے اپنے ادارے کی اہمیت اور اسکی عمل داری کے بارے شرکاء کو آگاہ کیا اور کہا کہ آگاہی مہم کسی بھی ادارے کی بہتری اور اسکی مقبولیت میں اہم کردار ادا کرتی ہے۔ صوبائی محتسب پنجاب کا محکمہ ہمہ وقت عوام الناس کی شکایات کے ازالے کے لئے تیار ہے۔
اس موقع پر سینئر رجسٹرار شاہد عباس نے شرکاء کو ادارے میں شکایات درج کروانے کے بارے میں مکمل طور پر آگاہ کیا۔
اسسٹنٹ ڈائریکٹر میڈیا سید سبط حیدر اور اسسٹنٹ ڈائریکٹر پبلک ریلیشنز عادل اصغرنے بھی طلبہ و طالبات سے ادارے کے بارے میںاظہارے خیال کیا۔
تقریب کے اختتام پر طلباء و طالبات نے سوالات بھی کئے اور اپنے خیالات کا اظہار بھی کیا۔
یاد رہے کہ محتسب پنجاب کا میڈیا ونگ مختلف تعلیمی اداروں میں آگاہی مہم کے سلسلہ میں اپنا پروگرام ترتیب دے چکا ہے۔
