جہلم پریس کلب کے صدر محمد شہباز بٹ کی اسلام آباد کی مقامی عدالت میں سابق وفاقی وزیر چوہدری فواد حسین سے ملاقات،مختلف امور پر تبادلہ خیال ،سابق وفاقی وزیر کو جوڈیشل ریمانڈ پر جیل بھیج دیا گیا۔
رپورٹ کے مطابق سابق وفاقی وزیر چوہدری فواد حسین کو جسمانی ریمانڈ کے بعد آج اسلام آباد کی مقامی عدالت میں پیش کیا گیا جہاں تفتیشی افسر نے مزید جسمانی ریمانڈ کامطالبہ کیا۔ بعد از سماعت مقامی عدالت نے سابق وفاقی وزیر کو جوڈیشل ریمانڈ پر جیل بھیج دیا۔
عدالت پیشی کے موقع پر جہلم پریس کلب کے صدر محمد شہباز بٹ نے سابق وفاقی وزیر چوہدری فواد حسین سے ملاقات کی،پی ٹی آئی کے دیگر راہنماء بھی اس موقع پر موجود تھے۔
سابق وفاقی وزیر نے کہا کہ جھوٹے مقدمات سے گھبرانے والے نہیں ہمارے حوصلے بلند ہیں،نواز شریف کو اب ماضی سے سبق سیکھنا چاہیے لیکن افسوس کہ وہ چالیس سال پرانی سیاست کررہے ہیں۔
انہوں نے کہا پی ٹی آئی کے چیئرمین ،وائس چیئرمین سمیت متعدد عہدہ داران و کارکنان کو بلاجواز گرفتار کیا گیا ہے،میڈیا پابندیوں کا شکار ہے ،صحافیوں کو ڈرایا دھمکایا اور اٹھایا جارہا ہے ،یہ وقت گزر جائیگا ،ہم فسطائیت کا مقابلہ کریں گے۔
