جہلم: سی ای او ایجوکیشن جہلم ڈاکٹر نازیہ شہزادی نے ڈاکٹر محمد تنویر افضل کو ڈیپارٹمنٹ آف سائنس ایجوکیشن، علامہ اقبال اوپن یونیورسٹی میں بطور ایسوسی ایٹ پروفیسر منتخب ہونے پر دلی مبارکباد پیش کی ہے۔
انہوں نے کہا کہ ڈاکٹر تنویر افضل نے اپنا تعلیمی سفر ایلیمنٹری کالج جہلم سے شروع کیا اور 2009 میں علامہ اقبال اوپن یونیورسٹی میں بطور لیکچرر شمولیت اختیار کی۔ اپنی محنت، لگن اور پیشہ ورانہ صلاحیتوں کے باعث وہ ترقی کرتے ہوئے اس معزز عہدے تک پہنچے۔
ڈاکٹر نازیہ شہزادی کے مطابق تعلیم کے میدان میں ڈاکٹر تنویر افضل کی خدمات نہایت قابلِ ستائش ہیں، جنہیں قومی اور بین الاقوامی سطح پر بھی تسلیم کیا گیا ہے۔ ان کی یہ کامیابی نہ صرف ان کے لیے بلکہ پورے ضلع جہلم کے لیے باعثِ فخر ہے۔
انہوں نے مزید کہا کہ ڈاکٹر تنویر افضل کی کامیابی نوجوان اساتذہ کے لیے ایک روشن مثال ہے اور اس سے نئی نسل کو محنت اور لگن کے ساتھ آگے بڑھنے کی ترغیب ملتی ہے۔
آخر میں انہوں نے ڈاکٹر تنویر افضل اور اہلِ جہلم کو اس اہم کامیابی پر مبارکباد پیش کرتے ہوئے ان کے روشن مستقبل کے لیے نیک خواہشات کا اظہار کیا۔
