دینہ: صدر دینہ پریس کلب اور معروف صحافی سید توقیر آصف شاہ کے والد محترم علالت کے باعث 77 برس کی عمر میں انتقال کر گئے۔ مرحوم نہایت ملنسار، بااخلاق اور ہر دلعزیز شخصیت کے مالک تھے، جن کی وفات کی خبر سنتے ہی علاقے بھر میں سوگ کی فضا چھا گئی۔
تفصیلات کے مطابق معروف صحافی اور صدر دینہ پریس کلب سید توقیر آصف شاہ، سید عمر زبیر شاہ اور سید شاہ زیب کے والد محترم دینہ کے گاؤں پیر بھچر شریف میں طویل علالت کے بعد خالقِ حقیقی سے جا ملے۔ مرحوم کی نمازِ جنازہ پیر سید غفار حسین شاہ نے پڑھائی، جس میں زندگی کے مختلف شعبوں سے تعلق رکھنے والی شخصیات اور عوام کی بڑی تعداد نے شرکت کی۔
نمازِ جنازہ میں وزیرِ مملکت بلال اظہر کیانی کے کوآرڈینیٹر راجہ علی، چوہدری راشد گھر مالہ، چوہدری فوق شیرباز، حاجی ادریس اختر، میاں نوید العصر، راجہ لیاقت علی، میاں عتیق، میاں علی عنصر، ڈاکٹر قاسم محمود چوہدری، میاں سجاد، چوہدری فیاض، میاں سہیل، چوہدری شعبان، چوہدری محبوب، عدیل بٹ، نوید قریشی، چوہدری جہانگیر، چوہدری محمد افضل، حافظ وسیم انور، نوید بٹ، شاہین ڈار، عامر سلیم میر، زاہد ناگی، رفیق بھولا، چوہدری رضوان، خالد بٹ اور شیخ محمد افضل نے شرکت کی۔
نماز جنازہ میں سرپرستِ اعلیٰ دینہ پریس کلب امجد محمود سیٹھی، حاجی اظہر چوہدری، عرفان محبوب، سہیل انجم قریشی، عادل چوہدری، رضوان سیٹھی، ڈاکٹر ظہیر، سعید میر، سید ذوالقرنین شاہ، ملک طاہر جاوید، اقبال خان، عمران منصور، سید جواد حسین نقوی، سید امجد مسعود، اشتیاق میر، حق نواز میر، شعبان چوہدری، رضوان میر، ادریس چوہدری، اصغر علی عمر سمیت سیاسی، سماجی، مذہبی، کاروباری، صحافتی اور عوامی حلقوں سے تعلق رکھنے والے ہزاروں افراد نے شرکت کی۔
نمازِ جنازہ کے بعد مرحوم کو ان کے آبائی قبرستان میں سینکڑوں اشکبار آنکھوں اور سوگواران کی موجودگی میں سپردِ خاک کر دیا گیا۔ اس موقع پر ہر آنکھ نم تھی اور شرکاء مرحوم کی سماجی خدمات، خوش اخلاقی اور انسان دوستی کو خراجِ تحسین پیش کرتے رہے۔
مرحوم کی وفات پر سیاسی، سماجی، مذہبی، کاروباری اور صحافتی حلقوں نے گہرے دکھ اور افسوس کا اظہار کرتے ہوئے سید توقیر آصف شاہ اور ان کے اہلِ خانہ سے دلی تعزیت کی ہے۔ تعزیت کرنے والوں نے مرحوم کی مغفرت، بلندی درجات اور پسماندگان کے لیے صبرِ جمیل کی دعا کی۔
