جہلم میں منشیات کیس میں جرم ثابت ہونے پر مجرم کو 9 سال قید اور جرمانے کی سزا سنا دی گئی۔
تفصیلات کے مطابق عدالت نے منشیات کے مقدمہ نمبر 711/23 بجرم CNSA 9(i)3c تھانہ کالا گجراں کا فیصلہ سناتے ہوئے مجرم محمد رئیس کو 9 سال قید اور 1 لاکھ روپے جرمانہ کی سزا سنا دی۔
محمد رئیس کو سال 2023 میں منشیات فروشی کے جرم میں گرفتار کیا گیا تھا۔ جہلم پولیس نے مجرم کو جدید سائنٹیفک طریقہ کار کے تحت ٹریس کر کے گرفتار کیا اور ٹھوس شواہد کے ساتھ چالان عدالت کیا۔ مقدمے کی مؤثر پیروی کے نتیجے میں عدالت نے جرم ثابت ہونے پر قرار واقعی سزا سنائی۔
اس موقع پر ڈی پی او جہلم طارق عزیز سندھو نے کہا کہ منشیات فروش معاشرے کا ناسور ہیں اور ان کے خلاف کریک ڈاؤن بلا امتیاز جاری رہے گا۔
ڈی پی او نے انویسٹی گیشن اور لیگل ٹیموں کی کارکردگی کو سراہتے ہوئے انہیں شاباش دی اور تعریفی سرٹیفکیٹس دینے کا اعلان کیا۔
