جہلم پولیس کی اہم کارروائی، افغان باشندے کو غیر قانونی طور پر پناہ دینے والے ملزم کو گرفتار کر لیا۔
تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ سٹی اور ان کی ٹیم نے کارروائی کرتے ہوئے ملزم کو حراست میں لے لیا۔ پولیس کے مطابق ملزم نے افغان باشندے کو بغیر اندراج کے اپنے مکان میں رہائش دی ہوئی تھی۔
کرایہ داری کا اندراج نہ کروانے اور غیر ملکی کو پناہ دینے پر ٹیمپریری ریزیڈنس آرڈیننس کے تحت مقدمہ درج کر لیا گیا۔
ڈی پی او جہلم طارق عزیز سندھو نے کہا کہ کسی کے ساتھ ظلم یا ناانصافی برداشت نہیں کی جائے گی، تاہم غیر قانونی رہائش رکھنے والوں کو ضلع جہلم میں قیام کی اجازت نہیں دی جائے گی۔
انہوں نے مزید کہا کہ قانون کی خلاف ورزی کرنے والوں کے خلاف بھرپور کریک ڈاؤن جاری ہے، اور ایسے تمام عناصر کو قانون کے مطابق سخت کارروائی کا سامنا کرنا پڑے گا۔
