جہلم میں بجلی کا بل 62 ہزار روپے آنے پر معمر شہری نے بجلی کا بل ادا کرنے کیلئے اپنے ذہنی معذور بیٹے کو فروخت کرنے کا اعلان کر دیا۔
تفصیلات کے مطابق بجلی کے ہوشربا بلوں نے جہاں متوسط طبقے کے اوسان خطا کر دیے ہیں، وہیں ملک عام عوام کے لیے بلز کسی عذاب سے کم نہیں ہیں۔ لوگ ان بلوں کی ادائیگی کے لیے اپنے زیورات وغیرہ بیچنے پر مجبور تھے، مگر اب جہلم کا بزرگ شہری محمد منشاء بجلی کا بل زیادہ آنے پر اپنے ذہنی طور پر معذور بیٹے کو فروخت کرنے شاندار چوک پہنچ گیا۔
بزرگ شہری نے ذہنی مفلوج بیٹے کے گلے میں 62ہزار روپے قیمت کا پلے کارڈ لٹکا دیا، معمر بزرگ شہری کا بجلی کا بل 62ہزار روپے آیا ہے۔
معمر بزرگ شہری محمد منشاء کا کہنا ہے کہ میں گھر میں صرف پنکھا اور بلب جلاتا ہوں، میں غریب ہوں اس لئے بجلی کا بل ادا نہیں کرسکتا۔ محمد منشاء نے وزیر اعظم اور وزیر اعلی پنجاب سے نوٹس لینے کا مطالبہ کیا ہے۔
