جہلم: حکومت پنجاب کے ویژن اور انسپکٹر جنرل آف پولیس پنجاب کی ہدایات کی روشنی میں انسداد منشیات کی خصوصی مہم کے دوران جہلم پولیس کا منشیات فروش ملزمان کے خلاف کریک ڈاؤن جاری، دو منشیات فروش ملزمان گرفتار کر لئے گئے۔
تفصیلات کے مطابق جلالپور شریف پولیس نے کارروائی کرتے ہوئے ملزم ثاقب حمید کو گرفتار کر لیا، ملزم سے1کلو 200 گرام چرس برآمد کر کے انسداد منشیات ایکٹ کے تحت مقدمہ درج کر لیا گیا۔
منگلا کینٹ پولیس نے کارروائی کرتے ہوئے شراب سپلائر ملزم وحید احمدکو گرفتار کر لیا، ملزم سے شراب برآمد کر کے انسداد منشیات ایکٹ کے تحت مقدمہ درج کر لیا گیا۔
ڈی پی او جہلم ناصر محمود باجوہ نے کہا کہ منشیات فروش کسی رعایت کے مستحق نہیں،ضلع جہلم کو منشیات سے پاک کرنے کی خصوصی مہم میں جہلم پولیس کا ساتھ دیں اور اپنے اردگرد موجود معاشرے کے ناسوروں کی اطلاع پولیس کو دیں۔
