جہلم شہر کے علاقوں میں بھکاریوں کی یلغار نے شہریوں کا جینا حرام کر دیا

جہلم شہر کے علاقوں میں بھکاریوں کی یلغار نے شہریوں کا جینا حرام کر دیا۔ شہر کی سڑکوں، چوک چوراہوں میں جگہ جگہ ڈیرے ڈال کر بھیک مانگنے کا عمل شروع کررکھا ہے، گلی محلوں میں سے گزرنے والے راہگیروں اور رہائشیوں سے بھیک مانگنا معمول بنا لیا۔ بھیک نہ دینے پر بددعائیں دیتے دکھائی دیتے ہیں۔

تفصیلات کے مطابق جہلم شہر کی سڑکوں چوک چوراہوں سمیت گلی محلوں میں بھکاریوں نے شہریوں کی زندگیاں اجیرن بنا کر رکھ دیں، شہر کی سڑکوں چوک چوراہوں میں سے گزرنے والی گاڑیاں رکتی ہیں تو بھکاری فوراً بھیک مانگنا شروع کر دیتے ہیں جس کی وجہ سے شہرسکیورٹی رسک بنا ہوا۔

پوش علاقوں میں بھکاری گھومتے پھرتے نظر آتے ہیں، گداگری ایکٹ کے واضح نوٹیفکیشن کے مطابق بھکاریوں کے خلاف کارروائیوں کا نہ ہونا ذمہ داران کی کارکردگی پر سوالیہ نشان ہے۔

شہریوں نے قانون نافذ کرنے والے اداروں سے بھکاریوں کے خلاف آپریشن کرنے کا مطالبہ کیا ہے تاکہ شہری آذادانہ معمولاتِ زندگی جاری رکھ سکیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button