جہلم پولیس نے قماربازی کے خلاف اہم کارروائی کرتے ہوئے چھ ملزمان کو گرفتار کر لیا۔
تفصیلات کے مطابق جہلم میں ایس ایچ او تھانہ صدر اور ان کی ٹیم نے نواحی علاقے چک خاصہ میں چھاپہ مار کارروائی کے دوران شاہد عمران، محمد یونس، آصف علی، ظفر اقبال، اظہر اقبال اور محمد ریاض کو رنگے ہاتھوں گرفتار کر لیا۔
پولیس کے مطابق ملزمان تاش کے ذریعے جواء کھیل رہے تھے۔ موقع پر موجود نقدی رقم 21,320 روپے، دو موٹرسائیکلیں، چار موبائل فونز اور دیگر آلات قماربازی برآمد کر لیے گئے۔
گرفتار ملزمان کے خلاف انسداد قماربازی ایکٹ کے تحت مقدمہ درج کر لیا گیا ہے جبکہ مزید قانونی کارروائی جاری ہے۔
پولیس کا کہنا ہے کہ جرائم کے خاتمے اور سماجی برائیوں کے خلاف سخت اقدامات جاری رکھے جائیں گے۔
