جہلم: ڈپٹی کمشنر جہلم کیپٹن (ر) سمیع اللہ فاروق اور ڈی پی او جہلم ناصر محمود باجوہ کے زیر نگرانی جہلم پولیس کا جہلم شہر اور دینہ کے مختلف حصوں میں فلیگ مارچ کیا۔ فلیگ مارچ جنرل الیکشن 2024 کے موقع پر امن و امان کے قیام کے حوالے سے کیا گیا۔
فلیگ مارچ پولیس لائینز جہلم سے شروع ہو کر شاندار چوک، کینٹ چوک، دینہ شہر، منگلا سے ہوکر آر او آفس جہلم گورنمنٹ کالج جی ٹی روڈ جہلم میں اختتام پذیر ہوا۔ فلیگ مارچ میں ڈی ایس پیز ضلع ہذا، ایس ایچ اوز ضلع ہذا، ایلیٹ فورس، ٹریفک پولیس، پاکستان آرمی، رینجرز، سول ڈیفنس کے افسران و جوانوں نے شرکت کی۔
اس موقع پر ڈی پی او جہلم ناصر محمود باجوہ نے کہا کہ امن خراب کرنے والے عناصر کیساتھ آہنی ہاتھوں سے نمٹا جائے گا، امن و امان کی فضا کو برقرار رکھنے کے لیے تمام وسائل بروئے کار لائے جا رہے ہیں۔
بعد ازاں ایس پی انویسٹی گیشن محمد حسیب راجہ، ڈی ایس پی پنڈدادنخان محمد عامر شاہین گوندل اور ڈی ایس پی آرگنائزڈ کرائم مسعود مظہر کی زیر نگرانی پنڈدادنخان سرکل کے مختلف حصوں میں فلیگ مارچ کیا گیا، فلیگ مارچ جنرل الیکشن 2024 کے موقع پر امن و امان کے قیام کے حوالے سے کیا گیا۔
فلیگ مارچ میں ایس ایچ اوز پنڈدادنخان سرکل، ایلیٹ فورس، ٹریفک پولیس، پاکستان آرمی، رینجرز کے افسران و جوانوں نے شرکت کی۔
پنڈدادنخان سرکل، ایلیٹ فورس، ٹریفک پولیس، پاکستان آرمی، رینجرز، کے افسران و جوانوں کی شرکت،
شرپسند عناصر کیساتھ سختی سے نمٹا جائیگا، ایس پی انویسٹیگیشن محمد حسیب راجہ
جنرل الیکشن 2024 کے پر امن انعقادکے لیے تمام وسائل بروئے کار لائے جا رہے ہیں، ایس پی انویسٹیگیشن محمد حسیب راجہ pic.twitter.com/zWTQCciScM
— JHELUM POLICE OFFICIAL (@police_jhelum) February 6, 2024
ایس پی انویسٹی گیشن محمد حسیب راجہ نے کہا کہ شرپسند عناصر کیساتھ سختی سے نمٹا جائے گا، جنرل الیکشن 2024 کے پر امن انعقادکے لیے تمام وسائل بروئے کار لائے جا رہے ہیں۔
قبل ازیں جنرل الیکشن 2024ء کے پر امن انعقاد کے حوالے سے فل ڈریس ریہرسل کا انعقاد کیا گیا جس میں ایس پی انویسٹی گیشن جہلم محمد حسیب راجہ، ایس ڈی پی اوز ضلع ہذا اور ایس ایچ اوز ضلع ہذا نے اپنی نفری اور دیگر یونٹس کے ہمراہ ریہرسل میں شرکت کی۔
جنرل الیکشن 2024ء کے پر امن انعقاد کے حوالے سے فل ڈریس ریہرسل کا انعقاد، ایس پی انویسٹیگیشن جہلم محمد حسیب راجہ، ایس ڈی پی اوز ضلع ہذا اور ایس ایچ اوز ضلع ہذا نے اپنی نفری اور دیگر یونٹس کے ہمراہ ریہرسل میں شرکت کی،
پولیس اہلکاروں کو الیکشن ڈیوٹی سے متعلق بریفنگ دی گئی، pic.twitter.com/GiaU5w0xUq
— JHELUM POLICE OFFICIAL (@police_jhelum) February 5, 2024
پولیس اہلکاروں کو الیکشن ڈیوٹی سے متعلق بریفنگ دی گئی، آر او آفس سے سامان وصول کر کے پولنگ اسٹیشنز پر پہنچانے اور مقامات ڈیوٹی، پولنگ اسٹیشنز پر ڈیوٹی کی تعیناتی کی ریہرسل کی گئی۔
اس موقع پر ڈی پی او جہلم ناصر محمود باجوہ نے کہا کہ مرکزی کنٹرول روم سے تمام صورتحال کو مانیٹر کیا جائے گا، الیکشن کمیشن کے ضابطہ اخلاق پر مکمل پابندی کی جائے گی۔ پولیس ریہرسل کا مقصد ضلع میں امن و امان کا تسلسل برقرار رکھتے ہوئے الیکشن کا پر امن انعقاد یقینی بنانا ہے۔
