دبئی کے ورلڈ ٹریڈ سینٹر میں انعقاد پذیر ہونے والی 4 روزہ عرب ہیلتھ نمائش میں 40 پاکستانی نمائش کنندگان شرکت کر رہے ہیں۔
قونصلیٹ جنرل آف پاکستان دبئی کے قونصل جنرل حسین محمد نے کہا ہے کہ یہ انتہائی خوشی کا باعث ہے کہ دبئی میں 29 جنوری سے یکم فروری 2024 تک منعقد ہونے والی عرب ہیلتھ 2024 کی نمائش میں 40 پاکستانی نمائش کنندگان شرکت کر رہے ہیں۔
یہ بات انہوں نے پاکستان پویلن کا دورہ کرتے ہوئے کہی۔ انہوں نے کہا کہ پویلین عرب ہیلتھ منافع بخش سرمایہ کاری کے مواقع اور عالمی صحت کی دیکھ بھال کے چیلنجوں سے نمٹنے کے لئے ایک پلیٹ فارم مہیا کرتی ہے۔
یہ تقریب پاکستانی فرموں کو اپنی برآمدات کو متنوع بنانے، نئی منڈیوں اور دنیا بھر کے صنعت کاروں کے ساتھ نیٹ ورک تلاش کرنے کے مواقع فراہم کرے گی۔عرب ہیلتھ خطے میں صحت کی دیکھ بھال کے سب سے بڑے شو میں سے ایک ہے جس میں 3000 سے زائد نمائش کنندگان شامل ہیں جن میں سرمایہ کار، پیشہ ور اور ماہرین تعلیم 150 سے زائد ممالک سے شامل ہیں۔
قونصل جنرل نے اس بات پر روشنی ڈالی کہ ٹریڈ ڈویلپمنٹ اتھارٹی آف پاکستان (TDAP) کے ذریعے حکومت کے تعاون سے 40 نمائش کنندگان فارماسیوٹیکل، سرجیکل مصنوعات اور ہسپتال ٹیکسٹائل کی نمائش میں حصہ لے رہے ہیں۔ 4 روزہ ایونٹ کے دوران بہت سے سائیڈ لائن ایونٹس اور ورکشاپس کا بھی منصوبہ بنایا گیا ہے جو ہماری فرموں کے لئے اچھی نمائش فراہم کریں گے۔
پاکستان پویلین نمائش کے مقام پر دبئی ورلڈ ٹریڈ سنٹر کے زعبیل ہال-7 میں TDAP کے تعاون سے قائم کیا گیا ہے۔
