پنڈدادنخان: تھانہ لِلہ ٹاؤن کے علاقے میں بکری چوروں کا گروہ سرگرم، چور بکریاں چوری کرکے گاڑی میں ڈال رہے تھے کہ مقامی پولیس موقع پر پہنچ گئی، چوروں نے پولیس نفری دیکھ کر فائرنگ شروع کردی، مقابلے کے بعد گینگ کو گرفتار کر لیا گیا۔
تفصیلات کے مطابق تھانہ للِہ پولیس کو علاقہ میں بکری چور گینگ کی واردات کی اطلاع ملی جس پر فوری کارروائی کرتے ہوئے اے ایس آئی شیخ حسن رضا نفری کے ہمراہ موقع پر پہنچ گئے جس پر گینگ نے مبینہ طور پر فائرنگ شروع کر دی اور فرار ہو گئے۔
پولیس نے جھٹیل کندوال ڈھوک نورا کنڈل کے مقامی افراد کی معاونت سے گینگ کو گرفتار کر لیا۔
پولیس ذرائع کا کہنا تھا کہ اگر علاقہ کی عوام سے طرح ہی پولیس کی مدد اور معاونت فراہم کرے تو جرائم پیشہ عناصر کو گرفتار کرنے میں مدد ملے اور جرائم پر قابو پایا جا سکتا ہے۔
یاد رہے کہ تحصیل پنڈدادنخان کے علاقوں میں پچھلے چند روزسے مویشی چوری کا سلسلہ جاری ہے ۔ محض چند روز قبل تھانہ لِلہ کے علاقہ ٹوبہ سے نامعلوم چور غریب چرواہے کی 22 کے قریب بھیڑ بکریاں اٹھا کر لے گئے تھے ، اس کے بعد علاقہ مکین پوری طرح چوکنا ہو گئے۔
