جہلم: ایس ایچ او تھانہ سول لائنز اور ان کی ٹیم کی جانب سے اہم کارروائی کے دوران ناجائز اسلحہ رکھنے والے ملزم کو گرفتار کر لیا گیا۔
پولیس نے ملزم ارسلان کو گرفتار کر کے اس کے قبضے سے 30 بور پستول بمعہ ایمونیشن برآمد کر لیا۔ ملزم کے خلاف تھانہ سول لائنز میں ناجائز اسلحہ رکھنے کے الزام میں مقدمہ درج کر لیا گیا ہے۔
پولیس حکام کا کہنا ہے کہ ضلع بھر میں ناجائز اسلحہ رکھنے والے عناصر کے خلاف سخت کارروائیاں جاری ہیں۔
ڈسٹرکٹ پولیس آفیسر (ڈی پی او) جہلم طارق عزیز سندھو نے اس کارروائی کو پولیس کی قانون نافذ کرنے کی کوششوں کا حصہ قرار دیتے ہوئے کہا کہ شہریوں کے جان و مال کے تحفظ کو یقینی بنانے کے لیے ایسے عناصر کے خلاف بلا امتیاز کارروائیاں جاری رہیں گی۔
