جہلم: کمشنر راولپنڈی ڈویژن لیاقت علی چھٹہ اور آر پی او راولپنڈی سید خرم علی نے آر او آفس جہلم اور مرکزی کنٹرول روم کا جنرل الیکشن 2024 کے حوالے سے دورہ کیا۔
کمشنر اور آر پی او نے پولنگ کے حوالے سے سیکورٹی انتظامات کا تفصیلی جائزہ لیا، کمشنر راولپنڈی اور آر پی راولپنڈی کا الیکشن کے حوالے سے کئے گئے انتظامات پر اطمینان کا اظہار کیا۔
ڈپٹی کمشنر جہلم اور ڈسٹرکٹ پولیس آفیسر جہلم نے الیکشنز کےحوالے سے سکیورٹی اور دیگر انتظامات کے بارے میں کمشنر راولپنڈی اور آر پی او راولپنڈی کو بریفننگ دی۔
کمشنر راولپنڈی لیاقت علی چھٹہ اور آر پی او راولپنڈی سید خرم علی نے ڈی سی آفس میں قائم کنٹرول روم کا بھی وزٹ کیا، آر پی او راولپنڈی نے فول پروف سکیورٹی انتظامات یقینی بنانے کے لئے ہدایات دیں۔
اس موقع پر ڈی پی او جہلم ناصر محمود باجوہ نے کہا کہ ضلع جہلم میں الیکشن کا پر امن انعقاد اولین ترجیح ہے۔
آر پی او راولپنڈی سید خرم علی نے کہا کہ الیکشن کے موقع پر مربوط و موثر سیکورٹی یقینی بنانے کے لیے تمام اقدامات اٹھائے جائیں گے۔
