پنڈدادنخان میں موسلا دھار بارش سے نشیبی علاقے زیر آب آ گئے، کندوال کے قریب عارضی پل پانی میں بہہ گیا، مسافروں کو مشکلات کا سامنا ہے۔
تفصیلات کے مطابق جہلم کی تحصیل پنڈدادنخان اور گردونواح میں موسلادھار بارش سے نشیبی علاقے زیر آب آ گئے۔ بارش کے باعث کندوال کے قریب زیر تعمیر سڑک کا عارضی پل پہاڑوں سے آنے والے برساتی پانی میں بہہ گیا۔
عارضی پل بہہ جانے سے ٹریفک بلاک ہو گئی جس سے گاڑیوں کی لمبی قطاریں لگ گئی، راستہ بند ہونے سے مسافروں کو مشکلات کا سامنا ہے جبکہ انتظامیہ منظر عام سے غائب ہے۔
دوسری جانب انتظامیہ کا کہنا ہے کہ موقع جانے کی کوشش کر رہے ہیں۔
