جہلم: ڈسٹرکٹ جیل جہلم میں قیدی سے ملاقات کے لئے آنے والے ملزم سے منشیات برآمد کر لی گئی، پولیس نے مقدمہ درج کر لیا۔
تفصیلات کے مطابق ڈسٹرکٹ جیل جہلم میں حوالاتی سے ملاقات کیلئے آنے والے جہلم کے علاقہ پیرا غیب کے رہائشی عبدالحمید ولد محمد حسین سے دوران تلاشی جیب سے چرس برآمد کر لی گئی، ملزم کو موقع سے گرفتار کر لیا گیا۔
ملزم جیل میں حوالاتی علی رضا سے ملاقات کے لئے آیا تھا جو ایک مقدمے میں پابند سلاسل ہے۔
پولیس نے ملزم کو تھانہ سول لائن منتقل کر کے کارروائی کا آغاز کردیا۔
