سوہاوہ: بابائے قوم قائد اعظم محمد علی جناحؒ اور مسلم لیگ (ن) کے قائد میاں محمد نواز شریف کی سالگرہ کے موقع پر دیرنہ لیگی کارکن راجہ جاوید کیانی کی رہائش گاہ پر کیک کاٹا گیا۔
تفصیلات کے مطابق 25 دسمبر بانی پاکستان قائد اعظم محمد علی جناحؒ اور مسلم لیگ ن کے قائد میاں محمد نواز شریف کی سالگرہ کا دن ملی جوش و جذبے کے ساتھ منایا گیا۔ اس سلسلہ میں لیگی کارکن راجہ جاوید کیانی کی رہائش گاہ پر سادہ اور پروقار تقریب کا اہتمام کیا گیا جس میں بابائے قوم اور ن لیگ کے قائد کے یوم پیدائش کا کیک کاٹا گیا۔
تقریب میں معززین علاقہ سمیت لیگی کارکنان نے شرکت کی جن میں عمر حمید ،اویس شاہد ، بشارت چوہدری ، نبیل فیاض ،چوہدری جاوید جیدی ،نوید بٹ ، رضوان بٹ اور عندلیب بٹ شامل ہیں۔
تقریب سے خطاب کرتے ہوئے جاوید کیانی نے کہا کہ قائد اعظم نے اپنی جدو جہد سے ایک آزاد ملک پاکستان دیا جس کو میاں محمد نواز شریف ایسا پاکستان بنائیں گے جو پوری دنیا میں مثال بنے گا۔
انہوں نے کہا کہ میں میاں محمد نواز شریف کا سپاہی تھا ہوں اور رہوں گا، میاں نواز شریف اور پاکستان کے لیے اپنی جان بھی حاضر ہے۔
راجہ جاوید کیانی نے تقریب میں شریک مہمانوں کا شکریہ ادا کیا۔
